Ghadeer mein...

 *سب کو خدا کے حکم سے روکا غدیر میں*

*پیغام پھر نبیؐ نے سنایا غدیر میں*

*بلّغ کا سر پہ باندھ کے سہرا غدیر میں*

*مولا بنا بتولؐ کا دولہا غدیر میں*

*گونجا علیؑ علیؑ کا جو نعرہ غدیر میں*

*چھوٹا بڑے بڑوں کا پسینہ غدیرمیں*

*بنجر دماغ و دل کو جو پانی کی چاہ تھی*

*صدیوں کا ابر ٹوٹ کے برسا غدیر میں*

*حیدرؑ کو دستِ مرسلِ اعظمؐ پہ دیکھ کر*

*تینوں پلید ہوگئے رسوا غدیر میں*

*یوسفؑ ترے جمال کی معراج دیکھتی*

*اے کاش ہوتی چشمِ زلیخا غدیر میں*

*مولا علیؑ کی شان میں احمدؐ کے رو برو*

*قنبر سنا رہے ہیں قصیدہ غدیر میں*

*حور و ملک ہوں یا ہوں رسولان ما سبق*

*چہرہ خوشی سے لال ہے سب کا غدیر میں*

*جگنو چمک رہے ہیں ولایت کے باغ میں*

*ہے بلبلِ ولا کا بسیرا غدیر میں*

*آنکھیں علیؑ کو دیکھ کے محوِ وضو رہیں*

*دل کر رہا تھا شکر کا سجدہ غدیر میں*

*مختا ر کل کے ھاتھ میں ایمان کل کا ھاتھ*

*دنیا نے دیکھا ایسا نظارہ غدیر میں* 

*صدیاں گئیں، ولایتِ مشکل کشا کے بعد*

*مہدیؔ کا دل ہے آج بھی ٹھہرا غدیر میں*